தமிழக முதல்வர் கலைஞர் கருணாநிதி தலைமையில் தமிழக அனைத்துக் கட்சிகள் உபகண்டத்தையே அதிரவைக்கும் வரலாற்றுச் சிறப்புமிக்க தீர்மானத்தை நிறைவேற்றியுள்ளன என்று அமெரிக்க இலங்கை தமிழ்ச் சங்கம் நன்றி தெரிவித்துள்ளது.
அமெரிக்க இலங்கை தமிழ் சங்கத்தின் அறிக்கை:
எமது அன்பிற்கும் மதிப்பிற்குமுரிய தமிழக மக்களே, அரசியற் தலைவர்களே, மாண்பிமிகு முதல்வர் டாக்டர் கலைஞர் அவர்களே!
முதற்கண், தமிழீழத் தமிழர்களின் சார்பில், அமெரிக்க இலங்கைத் தமிழ்ச் சங்கத்தினராகிய நாங்கள், எம் இதயங்களின் ஆழத்திலிருந்து உங்களுக்கு எம் நன்றியையும், மரியாதையும் தெரிவித்துக்கொள்ள அனுமதியுங்கள்.
பாசத்திற்குரியவர்களே!
நீறுபூத்த நெருப்பென உள்ளேயே கனன்றுகொண்டிருந்த நீங்கள், குமுறும் எரிமலையாக வெடித்துவிட்டீர்கள். நீண்ட இடைவெளிக்குப் பின்னர், ஒன்றாகக் கூடி - ஒருமித்த குரலில் - பலம் வாய்ந்த அரசியல் வார்த்தைகளில் - தமிழீழத் தமிழர்கள் மீது உங்களுக்கு இருக்கும் அன்பையும், அவர்களது சுபீட்சமான அரசியல் எதிர்காலத்தின் மீது உங்களுக்கு இருக்கும் அக்கறையையும் வெளிப்படுத்திவிட்டீர்கள்.
முதல்வர் கலைஞர் ஐயா அவர்கள் கூட்டிய அனைத்துக்கட்சி மாநாட்டில் திரண்டு, வரலாற்றுத் தீர்மானங்களை நிறைவேற்றி, வெறும் சொற்களால் மாத்திரமன்றி, காத்திரமான செயற்பாட்டு முடிவுகளினாலும் உப-கண்டத்தையே அதிர வைக்கும் தாக்கத்தை ஏற்படுத்த ஆரம்பித்து விட்டீர்கள்.
கட்சிகளின் வரம்புகளைத் துறந்து, அரசியலின் முரண்பாடுகளை மறந்து, மாநிலத்தின் சுவர்களைக் கடந்து, நாட்டின் எல்லைக்கும் அப்பால் "இனத்தின் உணர்வால் இறுகப் பிணைக்கப்பட்ட தமிழர்கள் நாம்" என்பதை இந்த உலகிற்கு முரசறைந்து சொல்லிவிட்டீர்கள். "தேர்தல் வெற்றியை நோக்கமாகக் கொண்ட வெறும் அரசியல் விளையாட்டு இது" என்று எள்ளி நகையாடியவர்களின் முகங்களில் அவமானத்தைப் பூசி விட்டீர்கள்.
மாண்புமிகு முதல்வர் கலைஞர் ஐயா அவர்கள், ஒட்டுமொத்த உலகத் தமிழினத்தின் தலைவனாக - தமிழினத்தின் நிபந்தனையற்ற காவலனாக - அவரது உண்மையான அவதாரத்தை எடுத்து விட்டார்.
வரலாற்றுச் சிறப்பு மிக்க முதற்படியை எடுத்துள்ள நீங்கள், தமிழீழ மக்களின் தற்காலிகப் பிரச்சிக்கான தீர்வை நோக்கி அரசியல் நகர்வுகளை ஆரம்பித்துவிட்டீர்கள். தமிழர்களுக்கு எதிரான போரை நிறுதவும், அவர்களுக்கு உணவும், மருந்தும் போய்ச் சேரவும், வாழும் இடங்களில் அவர்கள் நிம்மதியாய்க் குடியமரவும் - உருப்படியான காரியங்களைச் செய்யுமாறும், சிறிலங்கா அரசுக்கான அனைத்து இராணுவம்- சார் உதவிகளை நிறுத்துமாறும் இந்திய மத்திய அரசுக்கு அழுத்தம் போட்டிருக்கும் நீங்கள், ஈழத் தமிழ் மக்களுக்கு ஓர் இடைக்கால நிம்மதியைக் கொடுத்திருக்கின்றீர்கள்.
தமிழக மக்களின் குரலும், தமிழகத் தலைவர்களது செயலும், தமிழகத்தின் சக்தியும் -
- தமிழீழ மக்களுக்கு சுதந்திரத்தின் ஒளியைக் காட்டியிருக்கின்றது!
- "தமிழகம் எமக்காகப் பொங்கி எழாதா?.. தமிழகத் தலைவர்களும், கலைஞர் ஐயா அவர்களும் எமக்கு விடுதலையைப் பெற்றுத் தர மாட்டார்களா?.." என்று ஏங்கியிருந்த தமிழீழ மக்களுக்கு நம்பிக்கையையும், துணிவையும் தந்திருக்கின்றது.
- "தமிழர்களை நாம் என்ன வேண்டுமானாலும் செய்யலாம் ஏனென்று கேட்க ஆளே இல்லை!" என்று இறுமாந்திருந்த சிங்களப் பேரினவாதத்திற்கு சினத்தையும் அச்சத்தையும் ஊட்டியிருக்கின்றது.
- எல்லாவற்றுக்கும் மேலாக, ஈழத் தமிழர்களின் அழிவை - தமது சொந்த நலன்களுக்காக - கைகட்டிப் பார்த்து நிற்கும் அனைத்துலக சமூகத்திற்கு அதிர்ச்சியளித்திருக்கின்றது.
வரலாற்று மாற்றங்கள் அரங்கேறுகின்றன. நம்புதற்கரிய திருப்பங்கள் நிகழ்கின்றன. ஈழத் தமிழர்களுக்காகத் தனது நாடாளுமன்ற இருக்கைகளையே பணயம் வைக்கின்றது தமிழகம். நிம்மதிப் பெருமூச்சுவிட்டு, மகிழ்ச்சிக் கடலில் மூழ்கித் தவிக்கின்றது தமிழீழம். பெருமிதத்தோடும், திமிரோடும் நிமிர்கின்றான் தமிழன்.
எமது அன்பான தமிழகத்து உறவுகளே!
தமிழீழ மக்களின் மீது உங்களுக்கு இருக்கும் எல்லையற்ற பாசத்தையும், அக்கறையையும், அவர்களுக்காக நீங்கள் சந்தித்த இடர்களையும் நாம் அறிவோம். ஆட்சியை இழக்கும் சூழல் வந்த போது, சொந்தக் குழந்தைகளுக்காகத் துன்பங்களைத் தாங்கும் ஒரு தந்தையாக அதைப் பொறுத்துக்கொண்ட கலைஞர் ஐயாவையும், சிறையில் வாடும் துயரம் நிகழ்ந்த போது, சொந்தச் சகோதரர்களுக்காக அதையும் ஏற்றுக்கொண்ட தலைவர்களையும், இன்னும் எத்தனையோ வழிகளில் எமது சுமைகளைச் சுமந்த அனைவரையும் நாம் என்றும் மறவோம். எங்கள் நெஞ்சங்களின் மிகச்சிறந்த இடமொன்றில், நன்றியுணர்வுடன் உங்களை நாம் அமர்த்தியிருக்கின்றோம்.
தமிழினத்தினது வரலாற்றின் மிகவும் உச்சமான ஒரு காலத்தில் நாம் எல்லோரும் இன்று இருக்கின்றோம். சரியான திசையில் தன்னை நகர்த்திச் செல்வதற்காக - காலத்திற்குக் காலம் - ஒப்பற்ற மனிதர்களை வரலாறு பிறப்பிக்கின்றது. அவர்களைத் தான் நாம் வரலாற்று மனிதர்கள் என்கின்றோம். அத்தகைய ஒரு மகோன்னதப் பிறப்பை கலைஞர் ஐயா அவர்களுக்குக் கொடுத்த சரித்திரம், இப்போது அவரை மிகச்சரியான இடத்தில் அமர்த்தியிருக்கின்றது.
தென்னாசியாவையே அசைக்கும் வல்லமையை அவருக்குக் கொடுத்திருக்கின்றது. அவரது அறிவு ஞானமும், அரசியற் செல்வாக்கும் தமிழர்களுக்கென்று ஒரு தனித் தேசத்தை உருவாக்கி, தமிழீழத்தில் துன்பத்தில் உழலும் எம் உறவுகளுக்கு நிரந்தர விடுதலையைப் பெற்றுத்தரும் சக்தி வாய்ந்தவை. தமிழீழ மக்களின் சுதந்தரத்திற்காக அவர் எடுக்கும் முயற்சிகளுக்கு ஒத்துழைத்து, அவருக்குப் பலம் சேர்த்து,
அவரை உற்சாகப்படுத்தி, தமிழினத்தைத் தாங்கும் தூண்களக நீங்கள் எல்லோரும் விளங்க வேண்டும் என்று நாம் தாழ்மையுடனும், உரிமையுடனும் கேட்டுக்கொள்ளுகின்றோம்.
மேலும், தமிழினத்தின் நிரந்தரக் காவலனாக கலைஞர் ஐயா என்றும் இருக்கின்றார் என்பதை, தமிழினத்தின் பகைவர்களுக்கும், இந்த உலகிற்கு அவர் உணர்த்த வேண்டும் என்றும் வேண்டிக்கொள்ளுகின்றோம்.
அன்பானவர்களே!
இப்போது - தமிழீழ மக்களுக்கு ஓர் தற்காலிக நிம்மதியைக் கொடுக்க ஆணித்தரமான முயற்சிகளை எடுத்துள்ள நீங்கள், சிங்களப் பேரினவாத ஒடுக்குமுறையிலிருந்து அவர்கள் நிரந்தர விடுதலை பெறவும் ஆவன செய்ய வேண்டும். அவர்களுடைய வீடுகளை ஆக்கிரமித்துள்ள சிங்களப் படைகளை வெளியேற்றி, அந்த மக்கள் தமது சொந்த ஊர்களுக்குச் சென்று நிரந்தரமாகக் குடியேறி, சுதந்திரமக வாழ ஆவன செய்ய வேண்டும்.
"சிங்களவர்களோடு சேர்ந்து வாழ முடியாதெனின், தமிழர்கள் பிரிந்து போவதே சரி" என்பதே கலைஞர் ஐயா அவர்களது தனிப்பட்ட நிலைப்பாடும், தமிழகத் தலைவர்களாகிய உங்களில் பலரது வெளிப்படையான நிலைப்பாடுமாகும். உங்களது அந்த நிலைப்பாட்டுக்கு ஓர் அரசியல் அங்கீகாரத்தை நீங்கள் கொடுக்கவேண்டும் என்றும், தமிழீழத் தமிழர்களின் துன்பங்களுக்கு "தமிழீழத் தனியரசு" தான் சரியான ஒரே தீர்வு என்ற ஒரு தீர்மானத்தை தமிழக மக்களவையிலே நிறைவேற்ற வேண்டும் என்றும், தமிழீழ மக்களின் ஏகப்பிரதிநிதிகளான தமிழீழ விடுதலைப் புலிகள் இயக்கத்தின் மீது இந்தியாவில் இருக்கும் தடையை நீக்கி, ஈழத் தமிழர்கள் தம்மைத் தாமே ஆள வழி பிறக்கச் செய்ய வேண்டுமென்றும் பணிவன்புடன் வேண்டிக்கொள்ளுகின்றோம்.
நீங்கள் எல்லோரும் இப்போது எடுத்துள்ள முயற்சிகள் ஒர் ஆரம்பம் தான் என்பதை நாம் அறிவோம்: தமிழீழ மக்களுக்கு நிரந்தரமான விடுதலையைப் பெற்றுத்தரும் வரை தமிழகம் ஓயாது என்பதையும் நான் அறிவோம்.
ஒரே இரவில் அதிசயங்களைப் படைக்கக்கூடிய ஆற்றல் படைத்தவர்கள் நீங்கள்: நம்பிக்கையோடு காத்திருக்கின்றது ஈழத் தமிழினம்.
நன்றி கலந்த மரியாதையுடன்,
இலங்கை தமிழ் சங்கம் - ஐக்கிய அமெரிக்கா
மின்னஞ்சல் : president@sangam.org
என்று அதில் தெரிவிக்கப்பட்டுள்ளது.
உபகண்டத்தையே அதிரவைக்கும் தமிழக தீர்மானம்: அமெரிக்க இலங்கைத் தமிழ்ச் சங்கம் நன்றி
கொழும்பு இந்து ஆலயம் மீது பௌத்த பிக்கு தலைமையிலான காடைக்கும்பல் தாக்குதல்
சிறிலங்காவின் தலைநகர் கொழும்பு கிராண்ட்பாசில் உள்ள சிறீ முத்துமாரி அம்மன் ஆலயத்தை பௌத்த பிக்கு ஒருவர் தலைமையிலான காடைக்கும்பல் தாக்கி சேதமாக்கிள்ளது. இதில் ஆலயத்தின் முன்பக்க கோபுரமும் உட்பக்கத்தில் உள்ள விக்கிரகங்களும் சேதமடைந்துள்ளன.
இந்த இந்து ஆலயம் புனருத்தாரணம் செய்யப்பட்டு நேற்று புதன்கிழமை குடமுழுக்கு நடைபெற்றது.
இந்நிலையில் இன்று அதிகாலை 2:00 மணியளவில் ஆலயத்துக்குச்சென்ற பௌத்த பிக்கு தலைமையிலான காடைக்கும்பல் ஆயலத்தை அடித்து நொறுக்கி சேதமாக்கியுள்ளது.
For More :- Puthinam
கிழக்கு மாகாண தேர்தல் - ஐக்கிய மக்கள் ஜனநாயக முன்னணி வெற்றி பெற்றுள்ளது.
ஐக்கிய மக்கள் சுதந்திர முன்னணி கிழக்கு மாகாண தேர்தலில் மொத்தமாக 308886 வாக்குகளை பெற்று 20 ஆசனங்களை கைப்பற்றியுள்ளது.
ஐக்கிய மக்கள் சுதந்திர முன்னணி மட்டக்களப்பு மாவட்டத்தில் 105341 வாக்குகளை பெற்று 6 ஆசனங்களையும், திருகோணமலை மாவட்டத்தில் 59298 பெற்று 4 ஆசனங்களையும், அம்பாறை மாவட்டத்தில் 144,247 வக்குகளை பெற்று 8 ஆசனங்களையும் பெற்றுள்ளமை இங்கு குறிப்பிடத்தக்கது.
அதேவேளை ஐக்கிய தேசிய கட்சி திருகோணமலை மாவட்டத்தில் 70,858 வாக்குகளை பெற்று 5 ஆசனங்களையும்,மட்டக்களப்பு மாவட்டத்தில் 58602 வாக்குகளை பெற்று 4 ஆசனங்களையும் , அம்பாறை மாவட்டத்தில் 121,272 பெRறு 6 ஆசனங்களையும், மொத்தமாக 250732 வாக்குகளை பெற்று 15 ஆசனக்களை ஐக்கிய தேசிய கட்சி கைப்பறியுள்ளது . மக்கள் விடுதலை முன்னனி மொத்தமாக 9390 வாக்குகளை பெற்று 1 ஆசனத்தை கைப்பற்றியுள்ளதுடன், மக்கள் ஜனநாயக முன்னனி மொத்தமாக 7714 வாக்குகளை பெற்று 1 ஆசனத்தை கைப்பற்றியுள்ளது.
தினக்குரல் பத்திரிகைக்கு அகவை 12
தினக்குரல் பத்திரிகை தனது பத்திரிகைத்துறையில் 11வது ஆண்டை முடித்து 12வது அகவையில் காலடி வைக்கிறது மென்மேலும் வளர வாழ்த்துகிறோம்
திரு சுஜாதா அவர்களுக்கு அஞ்சலிகள்
சிறுகதை, நாவல், நாடகம், அறிவியல் கதைகள், அறிவியல் கட்டுரைகள். கவிதைகள், பொதுக் கட்டுரைகள், திரைப்பட கதை வசனம், தொலைக்காட்சி நாடகங்கள் என பல துறைகளில் முத்திரை பதித்த திரு சுஜாதா [S.ரங்கராஜன்] நேற்றுக்காலமானார்.அன்னாரக்கு எமது அஞ்சலிகள். ஈழத்தமிழர் பற்றியும் அவர் தப்பான அபிப்பிராயங்களைக்கொண்டிருக்காத மனிதர் அவர்.
தமிழச்சி ! உங்கள் ஆட்டத்தைக்கொஞ்சம் நிறுத்துகிறீர்களா
இப்ப தோழர் தமிழச்சியின் போக்கே சரியாயில்லை உண்மையைச்சொன்னப்போனால் அவர்தான் இப்படி எழுதிறாரோ என்டு தெரியவில்லை பின்ன என்ன அவருடைய வலைப்பூ ஓர் கழிவுச்சொற்களின் பெட்டகமாக இருக்கிறது உண்மையில் இதனால் அவர் என்ன லாபம் கண்டாரொ தெரியவில்லை சிலவேளை அவர் தன்னை பிரபலப்படுத்துவதற்காகச்செய்யும் முயற்சியோ ?
அதவிடக்கொடுமை என்னவெண்டால் அவரைத்தூக்கிப்பிடித்துக்கதைக்க ஓசை செல்வா லக்கிலுக் என்று கனபேர் அதுக்குள்ள லக்கி பண்ணுற கூத்து கொஞ்சமே தலைவர் கலைஞர் என வலைப்பூமுழுக்க எழுதுவார் அது சரி கலைஞர் சாதி ஒழிப்பக்கு ஏதாவது செய்தாரா தமிழகத்தில் எத்தனை தடவை திமுக ஆட்சி ஏறியிருக்கும் அதனால் இன்னும் ஏன் பிறப்பு பத்திரம் முதல் பல அரச கருமங்களிருந்து கூட ஜாதியை நீக்க முடியவில்லை?????. யரொவது சிந்தித்தீர்களா
தமிழச்சி உங்களுக்கு வேண்டுகோள் தயவுசெய்த இனியாவது இப்படிக்கெட்ட வார்த்தைகளடங்கிய பதிவுகளை பதிவதை நிறுத்துங்கள் ஏனென்றால் நாம் இன்னும் தமிழ்மணத்தை விரும்புகிறோம் என்பதால் தான் :)
மாயா,பகீ இருவரிடமும்மன்னிப்பு கோருகிறேன்
மன்னிப்புடன் வணக்கம் நான் நந்தவனத்து ஆண்டி பேசுகிறேன் முதலில் மாயா,பகீயிடமும் மன்னிப்பு கோருகிறேன் நான் இதற்கு முன்னைய மயூரனுக்கு கண்டணம் தெரிவித்து பதிவு போடும் வரைக்கும் ஏதோ பெரிய அளவில் இந்தியாவில் நடைபெறுவதுபோல் ஏதாவது பெரிய அளவில் நடைபெற்றதாகவே (மாயாவும் பகீயும் அந்த அளவிற்கு ஆளுமையிருக்கிறது என்பது ஏலவே தெரியும் குறிப்பாக பகீக்கு கொஞ்சம் அதிகம் சஞ்சே பற்றி தெரியாது ) ஆனால் பகீயின் விளக்கப்பின்னூட்டத்திற்குப்பின் தான் தெரிந்தது என்ன நடந்ததென்று ?
அதன்பின் தான் ஓர் நாள் மாயா Google Talk ஊடாக கதைக்கும் போது தான் எல்லாத்தையும் சொன்னார் சொன்னார் என்பதைவிட புலம்பிவிட்டார் என்றே சொல்லவேணும் யார் யாருக்கு அழைப்பு விடுத்து , யார் யார் அழைப்பு விடுத்தும் வரவில்லை , நிர்ஷான் , தாசன் அண்ணாவுக்கு பிந்தி அழைப்பு அனுப்பியபடியால் வரமுடியவில்லை என்றும் , இதற்கு ( அதாவத இந்த குட்டி சந்திப்பு ) பக்கபலமாய் நின்றது பகீயும் சஞ்சேயும் தான் என்றும் கூறியிருந்தார் இதுபற்றி பகீ பின்னூட்டத்தில் இவ்வாறு கூறுகிறார்
// நந்தவத்து ஆண்டி இதில நான் எங்க இருந்து வந்தன்?? சரி இருந்தாலும் நடந்தது என்ன எண்டு எனக்கு தெரிஞ்சளவுக்கு சொல்லுறன். போன மார்கழி மாசத்தில 25 நாள் கொழும்பில நிண்டதால வலைப்பதியிற ஆக்களை சந்திக்கவேணும் எண்டு நினைச்சு மாயாட்ட சொன்னன். நான்தான் மாயாட்ட முடிஞ்சளவுக்கு தெரிஞ்சாக்களுக்கு சொல்லுங்கோ ஆனா வலைப்பதிவர் சந்திப்பு அப்பிடி எண்டு இல்லாமல் சும்மா எல்லாரும் ஒமேகா இன் இல ஒரு ரீ குடிப்பம் வாங்கோ எண்டு. காண்டீபன் மாயா சஞ்சய் , சஞ்சயுக்கு பின்னூட்டம் போடுற ஆள் பாவை நிசாந்தன் எண்டு கொஞ்சப்பேர் வந்திருந்தினம். என்னெண்டு மாயா எல்லாருக்கும் சொன்னது எண்டு எனக்கு தெரியாது. வந்தியத்தேவன் எனக்கு ஒரு மின்னஞ்சல் போட்டிருந்தார் தான் வாறன் எண்டு. பிறகு வரேல்ல. அதுகும் ஏன் எண்டு எனக்கு தெரியாது மாயாட்ட தான் கேக்கோணும்.
முக்கியமா இருந்த பிரச்சனை என்னெண்டா நான் மாயாவை சந்திக்கேக்க மாயா சொன்னது, "இனிமேல் சந்திப்பு எண்ட கதையே இல்லை எண்டு". ஏனெண்டு நான் கேக்கேல்ல. சரி யாராவது சந்திப்பு ஏதும் வைச்சா எனக்கும் சொல்லுங்கோ... வாறன். சிவானி (அக்கா??) இப்ப பிரச்சனை ஒழுங்குபடுத்திறது ஆரெண்டதுதான்.(சரி நான் எங்க அப்பிடி பெரிசா எழுதிப்போட்டன் எண்டுறியள்) //
அது சரி யார் புஸ்பிதா இந்த அவவுக்கு என்ன நடந்ததெண்டு தெரியயாமலே சும்மாவெல்லாம் அறிக்கை விடுறா அவர் இப்படிச்சொல்லுறா
//Road இல் சந்திச்சு hi சொன்னாலும் வலைப்பதிவர் சந்திப்பு என்று சொல்லுவீங்க போல இருக்கே..ஏலவே அறிந்தவர்கள் சந்திப்பதெல்லாம் அவர்கள் பதிவு வைத்திருப்பதால் வலைப்பதிவர் சந்திப்பாகி விடுமா... என்னே அறிவு... புல்லரிக்குது.. //
இதிலையொண்டு தெரியமா பகீக்கு மாயாவையும் சஞ்சேயையும் விட வேறை யாரையும் தெரியாது அதை விட்டுவிட்டு சும்மா பின்னூட்டம் போடுறதுக்கு மட்டு்ம் வந்திடுவியள் நீங்களும் அன்னியன் படத்தில் கூறப்படும் Mutiple Personality Disorder என்ற மனநோயால் பாதிக்கப்பட்ட கதாபாத்திரம் மாதிரித்தான் பின்னூட்டம் போடுறதுக்கு ஓர் Username பதிவுபோட Username வைத்திருக்கிற ஒருவர் தான்
மாயா பகீ வந்தி முதலில் இலங்கை வலைப்பதிவர் சந்திப்பு இதுவோர் அடித்தளமாயிருந்து விட்டுபோகட்டுமே !
கதைப்பவர்கள் பத்தும் கதைப்பார்கள் அதைவிடுங்கள் நம் ஊரிலே ,, மென்பொருள் திருடன் , அரசியல் திருடன் போன்றோருடன் வாழவில்லையா நாம். இன்னும் சில கொடிய விலங்குகள் கூட வாழப் பழகிக் கொண்டுள்ளோம். அதுமாதிரி இந்த இணையத்திலும் சில ''மன நோயாளிகள்'' இருக்கின்றனர். எங்கேயாவது தன் உளரலை அவர்கள் பின்னூட்டம் மூலம் கொட்டி விட்டுப் போகட்டுமே.....
படித்தவன் எனக் கூறிக்கொள்வபவன் எத்தனை பேர் பண்புடன் நடந்து கொள்கிறான்...இதில் பெண்களும் விதிவிலக்கல்ல...
நாம் அன்றாடம் பார்க்காத,கேட்காத அசிங்கங்களா....
இந்த வலைப் பூக்களில்புதிதாக பார்க்கிறோம்..
பின் ஏன் இங்கே மட்டும் கூச்சல்?...,
அதைவிடுத்து நண்பர்களே அப்படியான அருமையான சந்திப்புக்களை முளையிலே கிள்ளிவிடாதீர்கள்
'' இலங்கை வலைப்பூக்கள் வாழட்டும்
நறுமணம் இல்லையென்றாலும்,
வசந்தம் ஒரு நாள் வீசும்
அதன் வாழ்க்கையை மாற்ற"
எதுவாக இருந்தாலும் வெற்றியை நாளை சரித்திரம் சொல்லும். :))
பகீ, வந்தி மற்றும் மாயாவுக்கு மனந்திறந்த மடல்
பகீ வந்தி மற்றும் மாயாவுக்கு மனந்திறந்த மடல் அது சரி என்ன வலைப்பதிவர் சந்திப்பெல்லாம் வைக்கிறீங்களாம் ? சொல்லவேயில்லை தமிழ்நாட்டுக்காரன் வைக்கும் போது நம்ம வைக்கக் கூடாதா? என்று வீம்புக்குவைத்தீர்களா ? சரி ஏதோ வைத்தீர்கள் ஏற்பாட்டுக்குழுவினர் எனக்காட்டிக்கொண்டவர்கள் எமக்கு அறிவித்திருக்கலாம் தானே அல்லது பதிவுகள் மூலம் தெரியப்படுத்தியிருக்கலாம் தானே ? நான் வருவதும் வராததும் வேற விடையம் ஆனால் கடமைக்காவது செல்லியிருக்கலாம்
வலைப்பதிவுகளை நான் புரிந்து கொண்ட மட்டில் அது ஒரு பாரிய சாகரம். வலைப்பதிவின் தோற்றங்கள் கணினி உபயோகிப்பவர்களிடமிருந்தே பிறக்கிறது, பிறக்க முடியும். அதனாலேயே இன்னமும் பிற ஊடகங்களிலிருந்து துண்டிக்கப்பட்ட நிலையிலே இப்பதிவுகள் தொடர்கிறது.ஆனால் சமூகம் அல்லது உலகம் அதைவிட மிக விரிந்தது.வலைப்பதிவில் நான் இப்போது முதல் தான் எழுதுகிறேனே அன்றி வலையுலகில் உங்கள் எல்லோருக்கும் பழையவன் கிட்டத்தட்ட 2005 ம் ஆண்டு முதல் இணையத்தில் எங்காவது ஓடிக்கொண்டே இருப்பவன் 2006 ஆண்டு பகுதியில் இணையத்தில் எழுத்துக்கள் மட்டும் ஆதிக்கம் செய்வதை விரும்பாமல் ஒலி மற்றும் ஒளியும் உலாவரவேண்டும், மற்றும்எழுதப் படிக்க இயலாத எம் தமிழர்களும் இணையம் மூலம் பயன்பெற வேண்டும் என்ற அவாவினால் ஒலி மற்றும் ஒளிக்கென வலைப்பூவொன்றை உருவாக்கி அது தமிழ் மணம் குழுமத்தினரால் நிராகரிக்கப்பட்டு அப்படியே அழிடைந்தது போனதும் என் வாழ்வில் ஓர் துன்பியல் நிகழ்வு தான்
மாயா , பகீ , வந்தியத்தேவன் நீங்கள் பெரிய எழுத்தாளர் தரத்தில் எழுதுபவர்கள் எங்களுக்கு அப்படி எல்லாம் எழுத தெரியாது. எங்களுக்கு, உங்களை மாதிரி தத்துவம் அறிவியல் சிந்தனை எல்லாம் ஒத்து வராத விசயம் நாங்களும் வலைபதிகிறோம். என்கின்ற ஒரு பெருமைக்காக ஏதோ வலைப்பதிவை வைத்திருக்கிறோம் அத்துடன் உங்கள் அனைவரிதும் வலைப்பூக்களுக்கு வந்து பின்னுர்ட்டம போடுவதுண்டு அது உங்களை எரிச்சலூட்டி அழவைத்து சந்திப்புக்களின்போது அழைக்காமல் இருக்கும் அளவுக்கு போகும் என்று சத்தியமாக நான் நினைத்ததில்லை.
கேளரவம் படத்தோனியில் சொல்வதானால் "மயூரா நல்லா எழுத வேணும் என்றுதான் தோன்றுகிறது ஆனால் என்னால் முடியவில்லையே ?
நண்பர்களே நாடு இருக்கிற நிலையில இதெல்லாம் தேவையா என்டெல்லாம் கேட்கிற அளவுக்கு நான் ஒன்னும் குறைஞ்சவன் இல்லை ஆனாலும் சொல்லுறன் இப்படியான சந்திப்புக்களின் போது அனைவரக்கும் அறிவித்து ஓர் ஒழுங்கமைவாக ஏற்பாட செய்யுமாறு ஏற்பாட்டுக்குளுவினரான உங்களிடம் கேட்டுக்கொள்கிறேன்
கடைசியாச்சொல்லுறன் என்னதான் இருந்தாலும் நிங்க செய்தது
பிழைதான்
பிழைதான்
தமிழ் பாராளுமன்ற உறுப்பினர்கள் கலந்துகொள்ளாமலே தீயுடன் சங்கமித்த அமரர் தியாகராசா மகேஸ்லரனுடைய பூதவுடல்
ஐக்கிய தேசியக் கட்சியின் கொழும்பு மாவட்ட நாடாளுமன்ற உறுப்பினர் தியாகராஜா மகேஸ்வரனின் பூதவுடல் 6 ஆயிரத்துக்கும் மேற்பட்ட மக்களின் இறுதி அஞ்சலியுடன் வியாழக்கிழமை 6:30 மணியளவில் தகனம் செய்யப்பட்டது.வெள்ளவத்தையில் உள்ள மகேஸ்வரனின் இல்லத்தில் வைக்கப்பட்டிருந்த அவரது பூதவுடலுக்கு இன்று காலை முதல் மக்கள் திரண்டு வந்து அஞ்சலி செலுத்தினர்.
மகேஸ்வரனுக்கு அஞ்சலி செலுத்த மக்கள் கூட்டம் அலை மோதியதால் பலர் பூதவுடலை நெருங்கி அஞ்சலி செலுத்த முடியாது அவதிப்பட்டனர்.
இதனையடுத்து இன்று மாலை 3:00 மணியளவில் அவரது பூதவுடல் தகனம் செய்வதற்காக பொரளை மயானத்தை நோக்கி ஊர்வலமாக எடுத்துச் செல்லப்பட்டது.
வெள்ளவத்தையிலிருந்து மகேஸ்வரனின் பூதவுடலை தாங்கிய இறுதி ஊர்வலம் ஆரம்பமாகியதும், அவரது பூதவுடலை குடும்பத்தினரும், அவரது ஆதரவாளர்களும் பொறுப்பேற்றனர்.
மகேஸ்வரனின் பூதவுடலை அவர்கள் கைகளிலேயே தூக்கிச் சென்றனர். மயானம் வரை அவரது பூதவுடல் கைகளிலேயே ஏந்தி வரப்பட்டது.
வெள்ளவத்தையில் இருந்து ஆரம்பமாகிய இந்த இறுதி ஊர்வலம், கிருலப்பனை ஊடாக பேஸ்லைன் வீதிக்குச் சென்று அங்கிருந்து நாரஹேன்பிட்டி ஊடாக பொரளை மயானத்தைச் சென்றடைந்தது.
இறுதி ஊர்வலம் சென்ற வீதிகள் அனைத்திலும் இருந்த வர்த்தக நிலையங்கள் பூட்டப்பட்டிருந்தன. வீதிகளின் இருமருங்கிலும் மக்கள் திரண்டு நின்று பூதவுடலுக்கு அஞ்சலி செலுத்தினர்.
இறுதி ஊர்வலம் பேஸ்லைன் வீதியை அடைந்ததும் மகேஸ்வரனின் பூதவுடலை ஐக்கிய தேசியக் கட்சி பொறுப்பேற்றுக் கொண்டது. தொடர்ந்து பல்வேறு அமைப்புகளைச் சேர்ந்தவர்களும் மகேஸ்வரனின் பூதவுடலை பொறுப்பேற்று தமது கைகளில் ஏந்திச் சென்றனர்.
இந்த ஊர்வலத்தில் கலந்துகொண்ட பொதுமக்களும், பொது அமைப்புக்களின் பிரதிநிதிகளும் மகேஸ்வரனின் கொலையைக் கண்டிக்கும் பதாகைகளை தாங்கியிருந்தனர். பலர் தமது வாயைக் கறுப்புத் துணியால் கட்டியிருந்தனர்.
ஐக்கிய தேசியக் கட்சி உள்ளிட்ட பெரும்பாலான அரசியல் கட்சிகளின் பிரமுகர்களும், மதத்தலைவர்களும், ஊடகவியலாளர்களும் மகேஸ்வரனின் இறுதி ஊர்வலத்தில் கலந்துகொண்டனர்.
மகேஸ்வரனின் மகன் தந்தையின் பூதவுடலுக்கு தீயிட்டார்.
நாடாளுமன்ற உறுப்பினர் மகேஸ்வரன் சுட்டுக்கொலை
இச்சம்பவத்தில் மகேஸ்வரனின் மெய்ப்பாதுகாவலர் ஒருவரும் சுட்டுக்கொல்லப்பட்டுள்ளார். மேலும் 12 பேர் காயமடைந்த நிலையில் கொழும்பு மருத்துவமனையில் அனுமதிக்கப்பட்டுள்ளனர்.புதுவருட நாளினை முன்னிட்டு இன்று செவ்வாய்க்கிழமை முற்பகல் 9:00 மணியளவில் நாடாளுமன்ற உறுப்பினர் மகேஸ்வரன் தனது குடும்பத்தினருடன் மெய்ப்பாதுகாவலர்கள் சகிதம் கொட்டாஞ்சேனையில் உள்ள பொன்னம்பலவாணேஸ்வரர் ஆலயத்திற்குச் சென்று வழிபாட்டில் கலந்து கொண்டார்.
பொன்னம்பலவாணேஸ்வரர் ஆலய உள்வீதியை மகேஸ்வரன் சுற்றி வந்துகொண்டிருந்த போது முற்பகல் 9.55 மணியளவில் அங்கு நின்ற துப்பாக்கிதாரி ஒருவர் அவரை நோக்கி சரமாரியாக துப்பாக்கிச் சூட்டினை நடத்தினார்.இதில் மகேஸ்வரனும் அவரது மெய்ப்பாதுகாவலர்கள் 2 பேரும், 7 பொதுமக்களும் காயமடைந்தனர். மகேஸ்வரனின் குடும்பத்தினருக்கு எதுவித பாதிப்பும் ஏற்படவில்லை என்று தெரிவிக்கப்படுகிறது.மகேஸ்வரனையும் அவரது மெய்ப்பாதுகாவலர்களையும் அங்கிருந்தவர்கள் உடனடியாக கொழும்பு தேசிய மருத்துவமனைக்கு கொண்டு சென்றனர். காயமடைந்த பொதுமக்களை அருகிலிருந்த தனியார் மருத்துவமனைக்கு கொண்டு சென்ற போதும் அங்கு அவர்கள் அனுமதிக்கப்படாததால் அவர்களையும் கொழும்பு தேசிய மருத்துவமனைக்கு கொண்டு செல்லப்பட்டனர்.மருத்துவமனைக்கு மகேஸ்வரன் கொண்டு செல்லப்படும் போது மிகவும் ஆபத்தான கட்டத்தில் இருந்தார். அவருக்கு உடனடியாக சிகிச்சை அளிக்கப்பட்டது. எனினும் மருத்துவமனைக்கு கொண்டு செல்லப்பட்டு சில நிமிடங்களில் சுமார் முற்பகல் 10.15 மணியளவில் அவர் உயிரிழந்ததாக தெரிவிக்கப்படுகிறது.மகேஸ்வரன் உயிரிழந்ததை கொழும்பு மருத்துவமனைப் பேச்சாளர் சொய்சா உறுதிப்படுத்தினார்.
சம்பவம் இடம்பெற்ற போது அங்கு வழிபாட்டில் நின்ற பொதுமக்கள் அல்லோலகல்லோலப்பட்டு சிதறி ஓடினர். மகேஸ்வரன் மீது துப்பாக்கிச் சூட்டினை நடத்திய நபரை நோக்கி அவரது மெய்ப்பாதுகாவலர்களும் துப்பாக்கிச் சூட்டினை நடத்தினர் என்று கூறப்படுகின்றது.
